തിരുവനന്തപുരം :  തൃശൂർ പൂരം കലക്കൽ ഉൾപ്പെടെ പലതരം വിവാദങ്ങളിൽപ്പെട്ട എഡിജിപി അജിത് കുമാറിനെ ക്രമസമാധാന ചുമതലയിൽ നിന്നും മാറ്റി സർക്കാർ. ഇന്നലെ രാത്രി സെക്രട്ടേറിയറ്റിലെത്തി മുഖ്യമന്ത്രി മടങ്ങിയതിനു പിന്നാലെയാണ് ഉത്തരവിറങ്ങിയത്. നിയമസഭാ സമ്മേളനം നാളെ പുനരാരംഭിക്കാനിരിക്കെ നടത്തിയ 'തടിയൂരൽ'  തീരുമാനം, മുഖ്യമന്ത്രിയുടെ നാടകമാണെന്ന് ആരോപണം ഉയർന്നു കഴിഞ്ഞു.

Also Read

കർണാടകയുടെ 'തന്ത്രം' വിഫലം :നിര്‍മല സീതാരാമനെതിരെയുള്ള അന്വേഷണത്തിന് സ്റ്റേ

ഇന്റലിജൻസ് എഡിജിപി മനോജ് ഏബ്രഹാമിന് ക്രമസമാധാനച്ചുമതല നൽകിയെങ്കിലും അജിത് കുമാർ ബറ്റാലിയൻ‌ എഡിജിപിയായി തുടരും. ആഭ്യന്തര സെക്രട്ടറിക്ക് ഇന്നലെ കൈമാറിയ അജിത് കുമാറിനെതിരായ ഡിജിപിയുടെ അന്വേഷണ റിപ്പോർട്ടിൽ ; പി.വി. അൻവർ ആരോപിച്ച റിദാൻ,മാമി കേസുകളിൽ പൊലീസിന് അന്വേഷണ വീഴ്ചയുണ്ടായെന്നായിരുന്നു കണ്ടെത്തൽ. എ.ഡി.ജി.പിക്കെതിരെ നടപടി സ്വീകരിക്കണമെങ്കിൽ അന്വേഷണ റിപ്പോർട്ട് വേണമെന്ന സാങ്കേതിക വാദമുയർത്തി  മുഖ്യമന്ത്രി പിടിച്ചു നിന്നെങ്കിലും ഒടുവിൽ  മുപ്പത്തിരണ്ടാം ദിവസം നടപടിയെടുക്കാൻ നിർബന്ധിതനായി.